Eigin viðskiptahugmynd

Ert þú með góða viðskiptahugmynd? Ef svo er þá geturðu gert samning við Vinnumálastofnun um að vinna í allt að sex mánuði að þróun eigin viðskiptahugmyndar á meðan þú ert á atvinnuleysisbótum. Skilyrði fyrir samningi um þróun eigin viðskiptahugmyndar eru meðal annars að:

þú hafir kynnt þér rekstur og stofnun smáfyrirtækja.

Vinnumálastofnun geri samning við þig um tíma til þróunar viðskiptahugmyndar þinnar með það að markmiði að koma hugmyndinni í framkvæmd.

ráðgjafi Vinnumálastofnunar telji að viðskiptahugmyndin sé líkleg til þess að skapa þér framtíðarstarf.

þú leggir fram viðskiptaáætlun.

þú skilir framvinduskýrslu til Vinnumálastofnunar eftir þrjá mánuði og aftur við lok verkefnis.

þú verðir í reglulegum samskiptum við ráðgjafa Vinnumálastofnunar á gildistíma samningsins án þess þó að vera í virkri atvinnuleit á sama tíma.

Gildistími samnings getur verið allt að sex mánuðir en Vinnumálastofnun er heimilt að framlengja samninginn um þróun viðskiptahugmyndar um sex mánuði séu mjög miklar líkur á að viðskiptahugmyndin skapi þér framtíðarstarf að mati ráðgjafa Vinnumálastofnunar. Verði samningnum framlengt þarftu að skila lokaskýrslu til Vinnumálastofnunar við lok framlengingarinnar.

Ef þér sýnist að þetta úrræði komi til greina skaltu óska eftir ráðleggingum og aðstoð ráðgjafa Vinnumálastofnunar til að gera samning um þróun viðskiptahugmyndar þinnar.

Umsóknareyðublað

Samningseyðublað

Framvinduskýrsla

Fylgiblað með samningi

7. grein reglugerðar 12/2009 um þróun eigin viðskiptahugmyndar

Sjá nánari upplýsingar um þróun eigin viðskiptahugmynd á vefsíðu Vinnumálastofnunar

Hafa samband við þjónustuskrifstofu Vinnumálastofnunar