Námssamningar

Ef þú færð atvinnuleysisbætur er Vinnumálastofnun heimilt að gera við þig sérstakan samning um starfstengt nám. Með samningnum skuldbindur þú þig til að stunda að fullu starfstengt nám sem þú hefur valið þér í samráði við ráðgjafa Vinnumálastofnunar. Skilyrði námssamnings um starfstengt nám eru:

að þú hafir, á síðustu tólf mánuðum áður en þú fékkst atvinnuleysisbætur, verið launamaður eða sjálfstætt starfandi á innlendum vinnumarkaði.

að færni þín og staða hafi verið metin meðal annars til að auðvelda markvisst val á námi.

að ráðgjafi Vinnumálastofnunar hafi samþykkt val þitt á námi.

að ráðgjafi Vinnumálastofnunar telji líklegt að þér verði ekki boðið starf á næstu vikum.

að námið sé viðurkennt sem vinnumarkaðsúrræði samkvæmt lögum um vinnumarkaðsaðgerðir og ráðgjafi Vinnumálastofnunar telji að námið geti nýst þér beint við atvinnuleit að námi loknu.

að námið sé ekki lánshæft hjá Lánasjóði íslenskra námsmanna.

að samningurinn sé að hámarki ein námsönn eða þrettán vikur.

Vinnumálastofnun er heimilt að framlengja námssamningi við þig einu sinni enda hafir þú, að mati ráðgjafa stofnunarinnar, sýnt viðunandi námsárangur og ekki líklegt að þér verði boðið starf á næstu vikum.

Vinnumálastofnun greiðir þér atvinnuleysisbætur á gildistíma námssamnings.

Spurðu ráðgjafa Vinnumálastofnunar hvernig þú kemur á framfæri hugmyndum um starfstengt nám eða námskeið sem þér finnst að eigi að koma til álita fyrir atvinnulausa að velja úr.

5. grein reglugerðar nr 12/2009: Námssamningur

Námssamningur 1 um lengra nám (atvinnuleitandi er undanþeginn virkri atvinnuleit)

Námssamningur 2 um styttra nám (atvinnuleitandi er í virkri atvinnuleit samhliða námi)

Verklagsreglur Vinnumálastofnunar um nám samhliða atvinnuleysisbótum

Hafa samband við þjónustuskrifstofu Vinnumálastofnunar